//చిలిపి కవితలు.//

అనంతంలో మొదలైన ఆనందమే
వర్తమానంలో నీ ఉనికిని కనుగొంది..

ప్రతిధ్వనిస్తున్న పాటలోని పల్లవే మరి
వలసొచ్చిన మేఘపు మెరుపయ్యింది

నేను లేని నువ్వుండబోవనే
చూపుకొసన కలల్ని దాచుకొమ్మంది

నీ ముందు నదిలా మారి ప్రవహించడం
నీలాకాశం నామీదనే కురిసినట్టుంది

పాలపొంగు నురగలోని తీపంతా
నీ నవ్వులు నా పెదవిని తాకినప్పుడే తెలిసింది

నువ్వూ నేనూ పంచుకున్న కువకువలే
పిట్టభాషగా మారిందని అనిపిస్తుంది

హా..

రెప్పలతో రాసుకున్న ప్రేమలేఖలేగా
మనమిప్పటికీ పంచుకుంటున్న చిలిపి కవితలు..💜💕