నా కన్నుల్లో ప్రతిబింబాలుగా మిగుల్చుకున్న నీ నవ్వులు
కుంకుమపువ్వులై వేకువకు సాంత్వనయ్యాయి
సడిలేని కలల గుసగుసలేవో నిదుర చాలని రేయి ముగింపులో
నిన్ను దాచిన రెప్పల మాటు దాగుడుమూతలై ఊహలాడాయి
మదిలో ఇమడలేని వాక్యాలు జ్ఞాపకాల్ని చిలుకుతూ
బరువెక్కిన అనుభూతుల్ని కాగితానికివ్వమన్నాయి
తెరలుతెరలుగా తచ్చాడుతున్న వసంతగాలికి
నేపథ్యమైన సంగీతాన్ని కవిత్వీకరించానందుకే
కొన్ని క్షణాల కేరింతల్లో నిన్ను మనసంతా నింపుకున్నానని
కొన్ని మౌనాల ఓదార్పుల్లో నా భావం నువ్వయ్యావని..
ఇప్పుడిప్పుడే వెచ్చబడుతున్న అనురాగం
ఆకాశమై దేహాన్ని కౌగిలించింది
నిన్ను చూడాలనుకున్న ఆర్తిలా తీరిపోయింది
మన కథను గానం చేసి అలసిపోయిన సాక్షిగా..!!
Pic Courtesy : Moshe Dayan ji
No comments:
Post a Comment