మనసప్పగించి చూసిన చూపుకేమో
ఎన్ని మోదుగుపూలద్దుకున్నవో మోములో
అంతకంతకీ విస్తరుస్తున్న పరవశం
సతమతమైన ప్రకంపనాల సంగీతం
అప్పుడెప్పుడో కలలో కలిగిన పులకింత
ఇప్పుడు నీ ఎదురుగా
వెన్నెల చల్లదనానికి సమానమైన ఆ కళ్ళు
నిదురను మాయం చేసి రాతిరిని రాగమయం చేయగల సందళ్ళు
నిత్యమై నిఖిలమై నువు నాకుంటే చాలు
తేనె రంగు సొగసిలా పరిమళిస్తూనే ఉంటుందన్నట్టు
ఇప్పుడీ సంధ్యకీ అస్తమించాలని లేనట్టుంది
మన మధ్య ప్రేమబంధానికిలా మెరుపులద్దుతూ..
No comments:
Post a Comment