ఎదురు చూడటం ఇష్టంగా మారి కొన్ని ఊహల్లో తప్పిపోవడం తెలిసాక కలుసుకోవాలన్న ఆరాటం మెత్తగా కరిగిపోవడం నిజం
నీ సమక్షంలో క్షణాలు సీతాకోకలై ఎగిరిపోతాయన్న దిగులు, నా ఏకాంతంలో మౌనారాధనకు వ్యతిరేకమయ్యింది నేడు..
కదులుతున్న కాలం ప్రతి అడుగులో జ్ఞాపకాలు కలబోసుకుంటున్నప్పుడు అనుభవాల తాకిడిలో ఆనందపు హోరు
కాటుక కళ్ళతో మంత్రించే చిరునవ్వుల బాణాలు ఇప్పటికీ గుచ్చుతున్నాయని నువ్వాడిన హృదయపు హేల ఎప్పటికీ అంతమయ్యేది కాదు
గమ్యంలేని ఆకాశంగా నిన్ను పరుచుకున్నాక
నా అక్షరాలన్నీ మెరిసే నక్షత్రాలకి సమానమేగా..
No comments:
Post a Comment