//తెలుసా..//

చూస్తూ ఉండమంటావలా..
తెలుసా..
నువ్వు చెప్పకపోయినా అప్పుడప్పుడూ అలా చూస్తూ ఉంటా
కాలం సైతం కాసేపు ఆగుతుందనుకుంటా
నేనేం చేస్తానోనని
ఇంతింతై మనసింతై విస్తరించే నిన్ను
కన్నుల్లో నింపుకున్నాక రెప్పలు మూసేస్తా

ఈ అనేకత్వాలూ..బ్రహ్మత్వాలూ నాకేం తెలీదు
ఇష్టంలో పరమ ఇష్టం
నిన్ను ఆస్వాదించడమని మాత్రం తెలుసు

ఏం వింటున్నావలా..
మౌనరాగంతో తూట్లు పొడిచేస్తూ నవ్వుతావ్ అలా
అరమోడ్పుల మాటు భావుకతను వెదజల్లకలా
ఏకాంతంలో సిగ్గుపడటం నాకింకా తెలీదసలా 😉💜