//ఈ గాలి..//

సుదూరం నుంచీ వీస్తున్న ఈ గాలి

నీ పరిమళాన్ని సమ్మోహనంగా నాకు పూస్తుందీ ఉదయం

ప్రభాతంలోని అందాలు ముత్యాలసరాలైన నీ భావాలుగా

నన్నల్లుకుంటున్న మల్లెపువ్వుల సౌరభం

హ్మ్

మౌనానికి రాగం వస్తే ఏం పాడుతుందో తెలుసా

మనసుపడ్డ ఆకుపచ్చని ప్రకృతి పాట

నువ్వో తనివితీరని దృశ్యమై నా తలపుకొస్తే

ఓరకంట నాదాలు పలికించు పులకరింత

ఇంకెన్ని స్వప్నదారుల్లో నడిపిస్తావో కదా

నాలోని ఆర్తి సుధాగానమై నిన్ను చేరులోగా 💕💜