/ఆహ్లాదం//

పుప్పొడి పలకరింపులు
కరువైన వానాకాలం
పున్నమెలా ఉంటుందోనని కంగారు పడ్డాను..

వానెందుకో తెరిపించింది
హృదయాలు వికసించేందుకు
ఆహ్లాదం అవసరమని తెలుసుకొనుంటుంది

విషాదపు రంగుని
వెన్నెల కప్పేసినందుకేమో
కనుచూపు మేరంతా ప్రకాశవంతమే ఇప్పుడు

నువ్వక్కడున్నా
నా మొహంలోని ఎరుపుదనం
అంతరంగపు పొరల్లోని ఆనందానికేమో

నా చిరునామా
నీ కనుల పొత్తిళ్ళ అరనవ్వులు కనుకే
ఆ గమ్మత్తు రెప్పల్లో మత్తిల్లుతాను

శిలనో శిల్పాన్నోనని కంగారు పడకిప్పుడు
కావ్యసృష్టికని మొదలెట్టిన నీ యాగంలో
మీటితే మురిపాల విపంచినై పలుకుతానో లేదో చూడు 😍💜