//నీ తలపులు//

నీ తలపులు
ఏకాంత సరస్సులో ఎర్ర కలువలు పూయించగల కవనాలు
గోముగా పలికే అల్లరి పదాలు మృదువుగా మెదిలి
పూల సౌరభానికి పులకించి పాడే కోయిలపాటలు
కడలిలోని ముత్యాలు కిలకిలమని ప్రతిస్పందించి
ఇదంతా కల కాదంటూ పెదవులకు పాకే ఎదలోని చిరునవ్వులు

శీతల స్వర్గపు మలుపుల గుండా అలవోకన జారి
తమకంతో తడిగా నిలిచే నేత్రాంచలాల భాష్పాలు
నిశ్శబ్దపు రాపిడిలో సంగీతరవాన్ని పుట్టించి
అనుభూతుల కోలాహలాన్ని మేల్కొలుపు అనుభవాలు
ఈ క్షణాలందుకే నాకెంతో మురిపెమైనవి
నీ లాలిత్యపు కళ్ళతో నాలో జీవాన్ని నింపే రాత్రులవి..😌