//నేనంటూ..//

నేనంటూ కదులుతున్నప్పుడు
నీ అడుగులనే అనుసరిస్తున్నట్లు

నాలో మౌనం తెరవేసినప్పుడు
నీ ధ్యాసలో ఎద రమిస్తున్నట్లు

ఊహకందని తలపులు తోసుకొచ్చినప్పుడు
పరవశానికి తలుపులు తెరిచినట్లు

అనుభూతుల అలికిడి మొదలైనప్పుడు
మనిద్దరం ఒకటే కౌగిలన్నట్లు

చిరుముద్దుతో రెప్పలకదలికలు అలలైనప్పుడు
మనమో దీవికి వలసపోయినట్లు

గుండెల్లో గుసగుసలన్నీ
నువ్వు చల్లిన పదాలే అన్నట్లు

నిద్దురపట్టక ఆకాశాన్ని చూసినప్పుడు
మనమే తారాచంద్రులుగా అనిపించినట్లు
కలియుగపు ఇంటింటి రామాయణంలో
మనమే సీతారాములమైనట్లు..💕💜