// నేనో అభిసారిక//

పరిచయమున్న గాలి
భావాల ఉధృతిలో ఉన్న నన్ను
పరవశంగానే పలకరించింది..

ఝల్లుమన్న గుండె మృదుత్వం
మలయసమీరపు భాషలో
నీ కలవరింతను నాకు చేర్చినందుకేమో
మౌనారాధనలో స్పర్శించుకున్న కనుకొనుకుల తడి
నీ చూపుల ఆర్తిని తడుముకున్నట్టు
నాలో మోగిందొక వెచ్చని పల్లవి

నిశ్శబ్దం ఆవరించిన అంతర్లోకంలో
లాలనగా చెంపలు నిమురుతున్న చేతులు
పదాలకందని సాంత్వనై గుట్టుగా పొదుపుకున్నాయి..
కవిత్వం కాలేని రేయి నుండీ
నేనో అభిసారికనై
నిలువెల్లా నీకై ఎదురుచూసానీ తెల్లారివరకూ 💕💜