//పగలే వెన్నెల//

రోజూ నవ్వే కళ్ళే

నా పెదవుల్ని సవాలు చేస్తూ

ఎందుకింత నగ్నంగా

వర్షాకాలపు మత్తునంతా ఒలికిస్తున్నట్టు

అంతరంగంలో తరంగిస్తూ

వలపుతీవెల మమేకమై

వేకువ క్షణాలకు నీ చూపులే

లాలిత్యపు ప్రాణం పోస్తున్నట్టు

ఏమైనా తెలుసా..

ఈరోజు నీ చిరునగవుసిరి

మోహనరాగపు శృంగార స్వరజతిలా

నా మతి పూర్తిగా పోగొట్టిందని

ఆ నిట్టూర్పు వేడిసెగకి

చలిచెదిరి దూరమైందని

కలలన్నీ కావ్యాలై నిన్ను హత్తుకోమన్నాక

నా హృదయ దిగంచలంలో పగలే వెన్నెల విరగ్గాసిందని..💕💜