//ఎవరికి తెలుసు....//

ఎవరికి తెలుసు..

విషాదాన్ని అధిగమించాలనుకున్నప్పుడు ఆనందం చేరువై
ఆకాశాన్ని చిత్రించినట్టే చీకటీ దిద్దబడుతుందేమో..

పూటకోమారు పులకరించాలని పువ్వులకు తెలిసినట్టు
కొత్తగాలి కొన్ని మలుపులు దాటొచ్చి తడుముతుందేమో..

అరక్షణంలో అనంతంగా విస్తరించిన భావం
లిప్తల్లో వర్షించే వసంతంగా మారిపోతుందేమో..

నిశ్శబ్దానంతర అనుభూతి అందించే సంగీతరవం
అనుభవాల రాపిడితో తొలితీపి శ్లోకమవుతుందేమో..

అంతుపట్టని కొన్ని జన్మల చిక్కుముళ్ళు
ఏ మునివేళ్లొచ్చి విడదీస్తాయో.. వేచిచూడాల్సిందే..💞💜