//నీదవ్వాలి//

ఒక నాలో నువ్వు..ఇంకో నాలోనూ నువ్వే

గుండె ఎడారిగా మారినా..
ఘనీభవించి శిలగా మిగిలినా..
ఋతువులు కదులుతున్నా..
కాగితం లేకుండా రాయగలిగే ప్రేమలేఖలు నావి..

ఎడబాటులో తడుముకున్న తలపులూ
గుట్టుగా పొదుపుకున్న జ్ఞాపకాలూ
ముగ్ధనై రాసుకున్న రమ్యకృతులూ
ఎప్పటికీ ముత్యాలరాగాలే మది కదలికలు

జీవనశృతిలో రేగిన రాగమధూళి కృతులు..
పదాలుగా మారిన నిశ్శబ్దాలూ..
మాటలు కాలేని మౌనాలూ..
అన్నీ నీకోసమే..చదవగలిగే మనసు నీదవ్వాలిప్పుడు..😄💜