//పరిమళించిన నేల//

ఆత్మీయంగా కురిసే వానచినుకుకి తెలుసోలేదో
తన పలకరింపుతో ఎన్ని హృదయాలు చెమరించాయోనని

ఎడారిగా మారిన గుండెకు ఆనందం ఓ సుదూరపుస్వప్నం
మాట కలిపేందుకో చెలిమి ఆగమనం..అదో మహాసముద్రం..

మనసు ద్రవించి తొలివెలుగు రూపాన్ని ధరించాక
ఒంటరితనాన్ని తడుముకొనే అగత్యం చీకట్లోనే ముగిసిపోతుంది

తీరం ఎదురుపడి గమ్యమై చేయిచాచిన క్షణాల్లో
కెరటమై అల్లుకోగలిగే ఆర్తి కంపిస్తున్న హృదయానికుండాలి

సమాంతరదిశల హద్దులు చెరుపుకుంటూ చినుకులు ఏకమై కురిసినందుకే
నెర్రలీనిన నేల తడిచి పరిమళించిందని ఒప్పుకోవాలి 😊