//గమనించు //

చలించని మానసాన్ని జ్ఞాపకాల తోటల్లో తిప్పిరావాలి అప్పుడప్పుడూ
ఆనందభాష్పాల ఊరడింపుతో కన్నులు మెరవడం తెలుస్తుందప్పుడు

అరక్షణం వెలిగినా చాలనిపించే దీపం వెలుతురులోని ఆత్మవిశ్వాసం
నీడలు నిజాలేననే విషయం హృదయాన్ని తేలిక చేస్తుంది నిజం..

నిన్నటి నిద్రలో పొలమారినప్పుడు జీవితానికర్ధం తెలుస్తుంది
నవ్వించేందుకు నీకోసం ఒక్కరున్నారనే సత్యం బయటపడుతుంది

రెప్పలదొప్పల్లో దాచుకున్న కలలన్నీ వెన్నెల్లో తడవడం
చీకటిలో గుండెచప్పుడు మరో గుండెను కలిపి విన్నంత సంతోషం

మనసుపొరల్లో దాగిన విషాదానికందుకే రెక్కలిచ్చి చూడు
నిరాశ విహంగమై ఒక్కసారిగా ఎగిరిపోతుంది గమనించు 💕💜