//స్వప్న వాక్యం//

స్వప్నంలో మొలకెత్తిన వాక్యాలు
ఉదయానికి అనుభూతి పూలు పూయించినట్లు
నే తొలిపొద్దు చుక్కలనే ఇష్టపడతాను.

కన్నులు మాట్లాడుతాయని అంతా అంటుంటే విని
ఈ మెరిసే దారుల్లో నీ కోసం వేచి
కొన్ని తీపి కవితలు రుచి చూడాలనుకున్నాను

సుకుమారంగా కదిలే నా ఊపిరి
ఆపాదమస్తకాన్ని తొణికించిందంటే
నీపై బెంగతో ఎగిసి పడుతుందనుకున్నాను

సందేశాలు మోస్తున్న మబ్బుల హుషారుకేమో
నిశ్శబ్దంగా నవ్వుతున్న ఆకాశం
కాసేపట్లో పూలవాన కురిపించేట్టుంది కదాని సరిపెట్టేసుకున్నా ను..💕💜