//వాంఛా నేరం//

నిశ్శబ్దం కదిలించిందేమో..
ఎన్ని సవ్వళ్ళో
ఎన్ని నిట్టూర్పులో
మనసుల ఆవేదనలో
మరణించిన అనుభూతి తప్ప
ఒక భావం లేదు..
ఒక బంధం లేదు
తప్పొప్పుల మనసు పట్టికలో
నెమరేసుకుంటూ
గాయపడుతూ
శోకాన్ని భరించాల్సిందేనంటూ
స్మృతుల ప్రవాహంలో
ఊహించని శిక్షలు..

నిర్నిమేషమైన చూపులో
ఏకాకితనపు ఆవేదనలో
విషాదం కమ్ముకుంటుంది
హృదయస్పందను తర్జుమా చేయలేని
చంచలత్వమొకటి
మౌనవించి చేరువయ్యింది
నశించిన ఆశలూ
ఎగిసిపడే కలలూ
కరిగిపోయి
చెదిరిపోయి
అదుపుతప్పి ఛిధ్రమయ్యాయి
ఇప్పుడక్కడ
జ్ఞాపకమొకటి గడ్డ కట్టినట్టుంది
వాంఛలను అదుపు చేయలేనంటూ..!!