మనసు మౌనవిస్తోంది
నన్ను గతంలోకి జార్చేసావన్న నిజాన్ని జీర్ణించుకోలేక
వర్తమానరాహిత్యంలో ఇమడలేని
హృదయాన్ని ఓదార్చలేక
నిన్నటికి నాకు తెలిసిన నిజమొకటే..
నా ఏకాకితనపు నిశీధిని వెలిగించేందుకు
ప్రజ్వరిల్లిన దీపానివి నువ్వు..
నువ్వూ, నేనూ, ఏకాంతముంటే
ఊహలలోనే జీవితాన్ని విరచించాలనుకొనే నేను
ఇప్పుడదో అబద్ధం లాంటి నిజమని తెలుసుకొని కుమిలిపోతున్నా
అయినా..
నన్ను మరవాలని నువ్వు ప్రయతిస్తున్నావంటే
నమ్మకానికందని వాస్తవమొకటి నవ్వుకుంటోంది
నా గెలుపైనా మలుపైనా నువ్వేనని తెలిసాక
కలలో సైతం నీ మనసు నాదేననే గర్వం
ఇప్పుడు వాల్చుకున్న కొనచూపులో
బలవంతంగా ఊహను ఆపినట్లు
నాపై కురిసే ప్రేమనే సుధామధువును
నిలువరించడం న్యాయమా..!!
No comments:
Post a Comment