ఓసారి చూడనీ నన్ను..
వెన్నెలఱేడునే సవాలు చేస్తున్న నా మనోహరుని
వీక్షించనీ ఓసారి
మెత్తగా నా పేరును పలవరించే ఆ అధరాలను
తిలకించనీ ఓసారి
నన్ను చూస్తూనే జ్యోతులై వెలిగే ఆ నయనాలను
బుగ్గలూరే ఆనందాలు దాచుకున్న ఆ చెక్కిళ్ళను
దర్శించనీ ఓసారి
నాకోసమే విశాలమై ఆహ్వానించే బాహువులను
అవలోకించనీ ఓసారి
నాకై ఆరాటపడే నీ హృది సవ్వళ్ళను
నన్నే ఆరాధించే నీ మదిలోని ఊసులను..
భావాలతోనే అల్లుకొనే నీ తమకపు రాగాలను..
కురవనీ ప్రతిసారీ..
నన్ను ప్రేయసిని చేసి అభిషేకించే నీ ఊపిరిజల్లును..
నిలవనీ మరోసారి
నీ సంగీతం వింటూ అలౌకికమయ్యే నా మనసును..!!
No comments:
Post a Comment