అందరిలాగే ఆమెకూ ఆశలెక్కువ
అందరికన్నా కూడా ఆమెకు అందమెక్కువ
అందాన్ని ఆదరించే లోకముందని తెలిసినప్పుడే మొదలైన భ్రమలు
కట్టు బట్టలతో గడప దాటించిన గడుసు కలలు
అదుపు లేని శరీరానికి ఆనకట్టలెందుకనుకుంది
రెపరెపలాడుతున్న మనసుకు చిరునవ్వుల సంకెళ్ళు వేసింది
ఎదిగేందుకు ఎరగా పనికొచ్చే అందాన్ని తాకట్టు పెట్టింది
వెలుతురు తట్టుకోలేని చీకట్లనే ప్రేమించింది
తనను పట్టించుకొనే తీరిక లోకానికి లేదని సమర్ధించుకుంది
మూసిన రెప్పలమాటు నిశ్శబ్దంలో కోర్కెల చుక్కలు రాలిపోవడం చూసింది
కాలప్రవాహపు జోరులో అపరాధభావాన్ని కడిగేసుకుంది
అనుభవం శయ్యమీద కలిసేది శరీరాలే కానీ మనసు కాదని భావించింది
ఆపై ఆనందవిషాదాల పెనుతుఫానుకు భయపడ్డం మానేసింది
దిగుళ్ళూ తెగుళ్ళను నరుక్కుంటూ జీవితాన్ని కొత్తగా ఆస్వాదించడం నేర్చుకుంది..!!
No comments:
Post a Comment