మౌనం ఎంత గొప్పదో..
కోటి భావాలని పెదవిప్పకనే పలికిస్తుంది
మంత్రమేసినట్లు భావాలన్నీ లాలిస్తుంది
మౌనం ఎంత గడుసుదో
క్షణానికో కావ్యాన్ని అలవోకగా రాసేస్తుంది
మనసులోని మాటలన్నీ చూపుల్లో దాచేస్తుంది
మౌనం ఎంత మృదువైనదో
నిశ్శబ్ద స్వగతంలోనికి మెత్తగా జార్చేస్తుంది
వెన్నెల్లో విషాదాన్ని ఆనందంగా తాగేస్తుంది
మౌనం ఎంత ఆకర్షణీయమైనదో
సంతోష సరాగాలన్నీ చిరునవ్వులో చూపిస్తుంది
ఎదలోని స్వాతిశయాన్ని పరిమళభరితం చేసేస్తుంది
మౌనం ఎంత ప్రియమైనదో
మనోగతాన్ని అపూర్వమైన అనురక్తితో పాలిస్తుంది
ఒంటరితనాన్ని ఏకంగా ఏకాంతంగా మార్చేస్తుంది..!!
No comments:
Post a Comment