//అలసిపోతున్నా //

అలసిపోతున్నా నీలో నేను..

నాకు నేను

నువ్వంటే ఓ వ్యసనం నాకు

మనసు వెలితినలా నింపేసుకుంటున్నా

నా ఊహలోని నీతోనూ..నీ ఊసుతోనూ

నాకు నేనో అనంతమైనట్టు

ఎన్ని యుగాలు దాటితే

ఈ క్షణానికి చేరానో

ఎంత మౌనాన్ని భరించి

ఇన్ని మాటలు కూర్చుకున్నానో

నాలోని ఆర్తి సంగీతం కాదా

నీకు ఆత్మసమర్పణ చేసేందుకు

సంశయాలన్నీ ముగిసిపోనీ..

నా తలపు లాలనగా

నిన్ను నిమురుకుంటున్నవేళ..😊