//ఊపిరి కెరటం..//

మునిమాపు ముగ్ధమైన సమయం

మనసు పూలమాలగా ఊగుతున్న వైనానికేమో

సగం చదివిన ప్రబంధానికి అరమోడ్చిన రెప్పలకి తోడు

గాలి అలలు అలసటతో ఆగి చూస్తున్న చందం

కలతపడ్డ కాలం

నిన్నటి ప్రేమకావ్యాన్ని నెమరేస్తున్న లాలిత్యం

నా ఓరకన్నుల నెలవంకలైతే

నీ చూపులు రంగవల్లులు దిద్దిన ద్వారబంధం

పదాలన్నీ పాటలై గుండె గొంతును పలికిస్తుంటే

ధ్యానంలోని ఆనందం నీ రూపెత్తినట్టు

నువ్వూ నేనూ వేరుకాదనిపించే క్షణాలే

బరువెక్కిన ఊపిరి ఘుమఘుమల కెరటం..💕💜