//మనలో విరహాలు//

నీ ఊసులకని ఎప్పటికప్పుడు

ఎదురుచూపులు పరచి నిలబడుతున్నా..
మూగమనసు పల్లవిస్తున్న రాగాలన్నీ
కాలవాహిని సుస్వరపు ఆనవాళ్ళుగా అనుకున్నాక
ఊగుతున్న మనసుని ఆపలేకపోతున్నా

నీ ఒక్క పలుకు వేలపరమాన్నాల తీపైతే

ఎప్పుడెప్పుడు నీ మాటల పండగోనని
ఆ వరప్రసాదానికి నిముషాల్ని లెక్కిస్తున్నా..

ఆశకో హద్దు లేకున్నా
నీ కవనపు ప్రతిబింబమయ్యేందుకు

కలంలో చేరేందుకే సిద్ధమవుతున్నా

మల్లెలింత పరిమళిస్తుంటే
మధుమాసమని సరిపుచ్చుకున్నా..

కానీ

అపురూపాలింకా పెరగాలేమో..
మనలో విరహాలు మధురమవ్వాలంటే అనుకుంటున్నా ...😉💕