//రాత్రి//

అలజడి రేపడం రాత్రికి తెలిసినంతగా మరెవ్వరికీ తెలీదనుకుంటా
నిద్రొస్తుందని కన్నులు మూతపడుతున్నా
దేనికి మారం చేస్తుందో తెలియని మనసు కుదురునివ్వదు
ఊహల్లో పొర్లుతున్న దేహం శాంతిని అతిక్రమించి .
ఏవేవో శబ్దాలు సుళ్ళు తిరుగుతూ గుండెను హోరెత్తిస్తున్న యాతన
నన్ను మాత్రమే సతాయిస్తున్న ఈ క్షణాలకు పున్నమితో పనిలేనట్టుంది..
నావల్ల కాని జాగారాన్ని బలవంతంగా చేయించేట్టుందీ మాయావి.. 😣