//విశ్వమాయ//

ఏదైతే
నీ అంతరంగాన్ని నిశ్శబ్దంలోకి నెట్టి
కాలం గడిచే కొద్దీ రెండుగా విడిపోతుందో
విషాదాన్ని మోహరించినట్టు చేసి
వెలుతురుని వెళ్ళగొట్టేందుకు ప్రయత్నం చేస్తుందో
తిరగబడ్డ మనసుకి శాంతిని దూరం చేసి
దేహానికీ ఆత్మకీ మధ్య అగాథాన్ని సృష్టిస్తుందో
అదంతా నీలో ఉన్న ఆలోచనా చైతన్యరాహిత్యమే..
ఏకత్వం సిద్ధిస్తే తప్ప ఈ ద్వంద్వయుద్దాన్ని ఆపలేని
అల్ప మానవులం మనం..
అప్పటివరకు ఆ విశ్వమాయను మోస్తూ తిరగవలసిందే..😒