//విరహమైతేనేం..//

నీ విరహాన్ని మోస్తూ తిరిగే నా మనసుకి తెలుసు
మన ఎడబాటు క్షణాల నిట్టూర్పుల వేడి బరువెంతో..
ముసురుతున్న చీకటినెల్లా వేడుతున్నా అందుకే
అంత నిశ్శబ్దంలో కొన్ని ఊహలనైనా తోడిమ్మని
అనంత వినీలాకాశంలా నువ్వెదురవుతావప్పుడే
కన్నులకీ పెదవులకీ మధ్య శ్వాసలో కలిసిపోతావీలోగానే..
తలపు సంతకం కోసమని నిన్ను పిలవకపోయినా
నా మదిలో వాక్యమై మొలిచేందుకే వెంటుంటావు
ప్రతిరోజూ సంతోషమంతా నీ సమక్షానిదవుతుంది..
నడివేసవిన వెన్నెల ప్రయాణాలన్నీ కలిసి చేస్తున్నామనే..
కాలమలసిపోతున్నా చింతలేదు నాకిప్పుడు

నీ ఉనికి ఊయలై నన్నూపుతుంటే కావాలనుకున్నప్పుడు...💜