// ఒక్కోసారంతే..//

అప్పుడే విరిసిన పచ్చి మల్లి
తన పరిమళాన్నెవరికీ పంచనన్నట్టు
ఎగిరితే రెక్కలు అలసిపోతాయని
పక్షి చెట్టుకొమ్మకే ఊగుతున్నట్టు
సంగీతం తెలిసిన పెదవులు
రాగాల మూర్ఛనలు ఆపి నిశ్శబ్దమైనట్టు
కష్టపడి ఏరుకున్న ఆల్చిప్పలన్నీ
ఒకేసారి చేజారి ముక్కలైనట్టు
చేరికైన పిలుపులో దూరాలు వినబడి
సంకల్పించిన కలలు వలసపోయినట్టు
ఒక్కోసారంతే..
సమయం మొత్తం ఖాళీగా మారి
చీకటి కిరణాల్ని లెక్కేస్తుంటుంది..
కొన్ని అసహనాలెప్పటికీ జీవనదులే కదా ..

నిద్దురనాపి రేయింబవళ్ళు ప్రవహించే

నీలాల మాదిరి కదులుతున్నాయంటే..😖