//ఉషస్సు..//

మనోగగనపు నక్షత్రాలన్నీ
నేత్రాంచలానే మెరుస్తుంటే
ప్రేరణిచ్చే ఆసరాకని ఎదురుచూపులెందుకు

వాడని పొగడదండలా
నిత్యం వెలిగే ఆశలుండగా
హృదయంలోని అనురక్తికి అతిథులెందుకు

మనసుపొరల్లోని గతజన్మలాంటి పరిమళాలు
కొత్తగా పులకింతల్ని పరిచయిస్తుంటే
కావ్యభాషలాంటి మౌనాక్షరాలు

విసుగెత్తే ఏకాంతానికి నిజమైన నేస్తాలు కదా

అయినా..
ఉషస్సెందుకో నవ్వుతోంది..

పులకించిన ఘడియలన్నీ స్వప్నాల్లోనివని నేనంటే..😉💜