//మనసేది..//

ఓ మధురగేయంతో మనసు నింపుకోవాలనుకుంటానా
నీ మాటల్లో జారే మందారాలను కొన్నయినా దాచుకొని
నిశ్శబ్దం పేరుకున్న మదిలో రవళించేందుకు రావు కానీ
చిరునవ్వు దాచుకొని లేని సానుభూతిని చిలకరిస్తావెందుకో

ఓ పలకరింపు రాగంతో నిరాజనమివ్వాలనుకుంటానా
నీ తలపుల పరిమళాలు గుప్పించే పరవశాలు వెలిగించుకొని
కష్టాల సమూహంలో తూలిపడకుండా పట్టుకునేందుకు రావు కానీ
గాయపడ్డ హృదయాన్ని ఒంటరి తనానికి వదిలేస్తావెందుకో..

నా ఊపిరిలో నిన్నో అనుభూతిగా శ్వాసించాలనుకుంటానా
వీచే గాలి నిను తాకే నావైపు వచ్చుంటుందని
నా నిష్క్రమణానంతరం నీలో చలనమొస్తుందేమో కానీ
నా కలలు చిందరవందర చేసిన నీకు మనసెక్కడుందో..:(