రేయంత తపస్సులో నేనొదిగిపోయా
ఒక గాఢనిశ్శబ్దపు
నిశీధి ఆలింగనంలో
నన్ను నేను మైమరచి
అచేతనమై తొణుకుతున్నా
చిలికిన వెన్నెలంతా కురిసి కురిసి
నన్ను తడిపిందేమో
రుధిరస్రవంతుల అలజడితో
అలలు అలలుగా
మగతను కమ్ముకున్నా..
ఆగనంటూ నాలో స్వరసంగమం
మునుపులేని పారవశ్యాన్ని
తలపోసినందుకేమో
మొగలిరేకులా నిలిచింది పరిమళమిప్పుడు
స్వప్నంలో సరసానికి దుప్పటెందుకంటూ..!!
No comments:
Post a Comment