//ఓ ప్రేమ కథ//

అతని అందం సమ్మోహనం
ఆమె అతనిలో సగం..
అతను చేయి చాచితే ఆనందం..
కౌగిలింతే ఆమెకు విశ్వం
వాళ్ళిద్దరూ చూసుకున్నది చాలు..
శరద్వెన్నెల కురవక ఆగదు

ఇప్పుడు
కలలన్నిటికీ కబురులొచ్చినట్లే..
ఎంత పుప్పొడి చిలకరించాలో
ఆ మనసుల పరిమళాన్ని తూచాలంటే

వారి అంతరంగపు పొరల్లోని
భావాలు మాట్లాడుకుంటాయనుకుంటా
అతనికే పరిమితమైన ఓ కొంటె సువాసన
ఇంద్రజాలమింక ఆగదు
ఒకరికొకరైన మైమరపులో..

ఆ కధలా మొదలైంది
చిలిపి కళ్ళ మెరుపులకీ
వలపు చెక్కిళ్ళ నునుపులకీ
ఊహలకిక ఉలికదలికలు మొదలైనట్లే..:)