//నీకై నేను..//

పగటిపొలిమేరలో నాకైన ఎదురుచూపులు
కలల దారిలోనూ కాచుకునుంటాయని తెలీనేలేదు
కొన్ని జ్ఞాపకాలకు కరిమబ్బులు కమ్మేసినా
ఆకాశం హర్షించిన ప్రతిసారీ
మధువు కురవక ఆగదు.

ఒక్క చిరునవ్వుకు చిక్కుకున్న నీ చూపు
ఊహించని మెరుపుల్ని సృష్టించాక
నాకై పడిగాపులు కాసినందుకు
జీవితానికి సరిపడా ఆనందమిప్పుడు
నీకెలా పంచాలో తెలియని సందేహం

నాతో నేను ముచ్చటించుకొనేందుకు
ఇప్పుడో సందర్భం దొరికింది
నీ మనసుపొరల్లో పరిమళించిన భావాన్ని
ఆఘ్రాణీంచేందుకైనా నే రావాలంతేనంటూ..:)