ఒకనాడు సంతోషానికి సన్నిహితమైన నన్ను
దిగులొచ్చి దూరంగా లాగి
పరిచయం లేని నీరవానికి నేస్తం చేసి
హృదయానికి తెలియని పూతలు పూసి
పెదవుల్లో నవ్వు కన్నుల్లో కనిపిస్తుందని
వెక్కిరించి మరీ ఆహ్లాదాన్ని తరిమింది
నీలి స్వప్నాల లోగిళ్ళన్నీ
కాటుకపిట్టల రంగులలముకున్నాక
కలలకు దూరమై
రాని నిద్దురని తిట్టుకున్నా..
ఇప్పుడు మరోసారి గతంలోకి పయనించి
ఆనందాన్ని ఆలింగనం చేసి
ఖాళీ అయిన మనసు కుంభాన్ని
పారవశ్యపు రసఝరిలో ముంచాలనుకుంటున్నా..
కుహూరవాల కోయిలనై ఎగిసి పల్లవించాలనుకుంటున్నా..
No comments:
Post a Comment