కంటి చివర జారేందుకు
సిద్ధంగా ఉన్న కన్నీటిచుక్క
బుగ్గలను సుతారంగా తాకాలని
తొందరపడినంత నులివెచ్చగా
నీరెండ వెలుతురులో
కళ్ళు చికిలించి
సగం ఇష్టంగా
నా మోమును పరికించాలనే సంశయంలా
నువ్వెప్పటికీ నాకర్ధం కాని విచిత్రానివే
నేనో విషాదపుటంచున నిలబడ్డ రాగాన్నైతే..!
అర్ధరహితమైన నా ఆలోచనను వెక్కిరిస్తూ నీవుంటే..
వేకువలో స్వాప్నించాలని ప్రయత్నిస్తూ నేనుంటా..!
No comments:
Post a Comment