కొన్ని జన్మల పారవశ్యాన్ని
వెంటేసుకొచ్చిన హరితస్మృతులు కొన్ని
ఎడారిలాంటి ఎదలో
మొలకలుగా మొదలై శాఖలుగా
విస్తరించాక
నీ తలపును నా తనువంతా పూసుకున్నట్లు
మునుపులేని రసానుభూతి స్పర్శను
తడిమి చూసుకున్న సంతోషం
సారంగి తీగలపై వినిపించిన మంత్రమై
పండువెన్నెల కురిసి
వెలుగుపువ్వులు వికసించిన సుగంధమైంది
అలలై పొంగిన
ఊహాలహరిలో ఊయలూగుతున్న
మౌనరాగానికి భాష్యమిప్పుడు
పూలరేకులై పురులు విప్పి
నా పెదవిని తాకిందిలా సరసస్యందనై..!
No comments:
Post a Comment