ఏ పావురాయి చెపుతుందో
నీ కంటి కధానికలు..
పదేపదే గుండె ఊయలలో ఊగిందెవరో
మదిని హరివిల్లు రంగులు చల్లిందెవరో
నీ ఊహల గూటిలో కొలువున్నదెవరో
తొలివలపు ఊసుకు దాసోహమయ్యిందెవరో
నువ్విన్నదీ..నేనన్నదీ ఒకటేనని తెలిసాక
హోరువానలో కాగితప్పడవ ప్రయాణాన్ని కలగన్నట్లు
ఇంకా అనుమానమెందుకు..
జీవితంలో వసంతాలు సహజమేనని తెలిసాక
అనుభూతుల రాగాలకు బాణీలెందుకు
పరిమళాల ఉషస్సుకై ఆరాలెందుకు..
No comments:
Post a Comment