ఈ బాధకో ఉపశమనాన్ని వెతకాలి
కొన్నాళ్ళుగా ఇదే నొప్పి
ఎక్కడ మొదలైందో తెలియని దిగులు శాపమై నర్తిస్తుంది..
పూసిన గులాబీకో అర్ధమున్నట్టు
కాలం తీరిన పిచ్చుకకో కథున్నట్టు
నాలో వైరాగ్యానికో సమాధానముంటే బాగుండు..
కన్నీటి చుక్కల చెక్కిలి మైదానంలో
చూపులు గిచ్చని నొప్పులు నాలుగింతలు..
ఇరుకైన హృదయమనే రాజ్యంలో
చోటులేని చిరునవ్వుకు ఉక్కబోతలు
ఇప్పుడీ నొప్పికో మందు కావాలి
ముసురేసిన తలపులో కవిత్వమన్నా కురవాలి..!!
No comments:
Post a Comment