//నీలాలు..//

ఎంతకని తొంగిచూస్తావో..ఆ ఇంద్రనీలాల గనుల్లో
వెన్నెల్లో నీలిస్వప్నాల వెచ్చదనాన్ని వెదికినట్టు
ఆర్తి..నీ అంతులేని మోహావేశమా..

డావిన్సీ క్రిష్టల్స్ గా మెరిసే కన్నుల్లో
ఎప్పటికీ నీ రూపమేగా జాబిల్లి..

నీ జతలో మోయలేని హాయిని మోసే కళ్ళివి
తీయని తలపులు పండించు ఎర్రని చెంగల్వలు
నీ భావుకతకు అరమోడ్పు అందాలను
సంధించు రంగురంగుల విల్లులు
విషాదంలో ఆనందాన్ని..ఆనందంలో విషాదాన్ని
కలగలిపి సుస్వరాన్ని పలికించు కళ్ళు
నీ నిరీక్షణ శూన్యాకాశంలో నల్లని కాటుక పిట్టలు
ఎప్పటికీ నీలో అనుభూతిని వర్షించాలనుకొనే నీలాలు..:)