//ఏమవుతానో..//

నీ ఎదురుచూపుల యామినినై నేను
వేకువకు లోకువయ్యాను..

వసంతానికని మొదలైన నేను
పండుటాకునై రాలిపోయాను..

నవ్వునై విరబూయాల్సిన నేను
ముభావానికి మక్కువయ్యాను..

నిరంతర నీ తలపుల్లో తేలిపోయే నేను
వాడిపోయిన స్మృతుల దండనయ్యాను..

ప్రణయసీమకు రాణినైన నేను
నీ కౌగిలి ఆసరాకని భిక్షువునయ్యాను..

ప్రేమను ఇవ్వడమే తెలిసిన నేను
నిన్ను మాత్రం బదులు కోరి భంగపడ్డాను..

ఇంకేమవుతానో తెలీదు..
నానాటి బతుకులో నాటకీయతొక్కటి మిగులుతుంటే..