అదిగో కలలవనం..నను పిలిచే బృందావనం
నాకై ఎదురుచూసే నీవో వరం..అందుకే అయ్యా నీలో సగం
ఎన్ని ఊహల మాలలు గుచ్చానో
మన కలలవాకిలికి తోరణాలను కట్టేందుకు
శ్వాసకే బరువెక్కే రెప్పలను పైకెత్తలేక
నేలకే నేత్రాల నవ్వులను తోడిచ్చేసా
గువ్వల కువకువలో మన కలరవాన్ని కావలిస్తూ
అప్పుడప్పుడూ మెలకువలోనే కలలు కంటున్నా
నీ హృదయస్పందన తర్జుమా చేసే రాగాలెన్నో నా కలలో
నీకై చేసే నా తప్పస్సు వృధా కాదని..
మరో వేకువకైనా నిజమై తీరుతుందని ఒప్పిస్తూ..!!
No comments:
Post a Comment