తాత్కాళికంగా ఎడబాటొకటి సృష్టించాలనుకున్నా
కేవలం నీకు శూన్యాన్ని పరిచయించాలని..
నీకు తెలిసిన నిజాన్ని పలువురికీ చెప్పి
చులకనవరాదని..
నీ మనోభావానికి వాస్తవం తెలిసాక
నీలో నేను కొత్తగా చేరలేదని..
నా పుట్టుక మొదలయ్యిందే నీలోనని
కొత్తగా విషాదాలూ వియోగాలూ
ఇవన్నీ కల్పనలేనని నాకు ముందే తెలుసనీ..
తృప్తినిచ్చే ఒక ముగింపు నేనవ్వాలనుకున్నా..
కాలం కల్లోలినై కొత్త మలుపులు తిరిగినా
ప్రతిమలుపులో చివర నేనుంటాననేది నీకవగతమైతే చాలు
అక్షరంగా మలచుకుంటావో..భావాల గంధాలే పులుముకుంటావో
నీ కధకెప్పటికీ నేనే నాయికనూ
నీ ఎదకెప్పటికీ నేనే స్పందననూ..!!
No comments:
Post a Comment