మదిలోనే సంప్రదింపులు మొదలెట్టాను
నీ అలుకేమైనా తీరిందేమోనని
నన్ను పలుకరించి అరగంటైనా కాకముందే
నీ జ్ఞాపకాల ముత్యాలు
నా చూపులో తడిగా చేరి చెమరిస్తూ
నీపై గుండెలో దాచుకున్నా ఆపేక్షనంతా
కురిపిస్తున్నవి కమ్మగా..
నీ కోపం
శిశిరానికి రాలే చివరి ఆకైతే బాగుండనే ఆశలో
వసంతగాలిని వీయమని వేడుకుంటున్నా
నాలో రహస్యంగా దాచుకున్న నీ నవ్వులన్నింటినీ తట్టి
హృదయన్ని పరిమళింపజేసుకున్నా
ఏదో క్షణాన నువ్వొచ్చి
ప్రేమగా పలకరిస్తావని..
మదిలో మళ్ళీ వెన్నెలకాపు కాయిస్తావని..!
No comments:
Post a Comment