ఎంత కఠినమో ఎదురుచూపులు
నీకై వేచిన కొద్దీ నిరాశలో ముంచేసి
లోకువయ్యాననే ఆవేదనను మనసులో గుప్పించి
అణువణువూ ఒణుకు పుట్టిస్తూ..
నిన్నటి ఆలోచనల రొదలో..
విశ్రాంతి తీసుకోని మది
న్యూనతాభావంలో కొట్టుకుపోతూ..
ఆనందాన్ని నెత్తురోడింది
పిలుపందని మౌనమొకటి నాలో కలదిరిగి
వాస్తవానికి రమ్మంటూ సద్దు చేసింది
ప్రేమకై చేసే అన్వేషణలూ..తపస్సులూ నిరుపయోగాలని
వేడుకను ఆశించడం వ్యర్ధమని..
ఏకాకితనం ఎన్నటికీ చిగురించని వసంతమని నొక్కి చెప్పింది..!!
No comments:
Post a Comment