కలగా మిగిలిన నిన్నటి జ్ఞాపకాలలో..
బీడుగా మారిన హృదయాన్ని తాకుతుంటే
గుండెచప్పుడూ కఠోరమై వినబడుతుంటే
దేహపు సరిహద్దుల్లో ప్రకంపనలు
అలజడి తగ్గని అంతరంగ ఘర్షణొకటి
హృద్గుహలో తొక్కిసలాటను తలపిస్తుంటే
వర్తమానాన్ని ధ్వంసం చేసేస్తూ
అనుభవాలుగా మిగిలిన జీవితపాఠాలు..
ప్రేమార్హతను ప్రశించుకొనే స్వేచ్ఛ కరువై..
అల్పమైన అనుబంధాల వెంపర్లాటలో..
కుచించుకుపోతున్న ఆలోచనలు..
ఊపిరాగిపోతే బాగుండుననే తలంపులు..!!
No comments:
Post a Comment