అదే పాలనవ్వు..పాపాయి నవ్వు
మూగబోయిన మదిని మీటు నవ్వు
చెలియ చూపుల చేమంతి నవ్వు
చింతలను తరిమేసే చిత్రమైన నవ్వు..
పూల తరంగాలపై తేలియాడు నవ్వు
సుస్వరమై వినిపించే సున్నితమైన నవ్వు
యవ్వన విందులోన పొంగారు నవ్వు
శరదరాత్రులను పదేపదే కలవరించు నవ్వు
వెన్నెల పువ్వుల కువకువ నవ్వు
మనసున దోబూచులాడే ముసిముసి నవ్వు
పచ్చని పొదరిళ్ళ పరిమళాల నవ్వు
మల్లెపువ్వును మరపించే మనోహరాల నవ్వు..!!
No comments:
Post a Comment