చుక్కలు వెలిగిన వేళ
చందమామతో నేనున్నట్లు
నీతో కలిసిన ఆ అపురూప క్షణాలు
పాలపుంతల కౌగిలింతలో నన్ను చేర్చి లాలించినట్లు
విరిసీ విరియని నీ మరువంపు నవ్వులు
నాలోని సోయగాన్ని తట్టిలేపి
మనసంతా మెల్లెపూలు జాలువారిన సవ్వళ్ళు..
పన్నీటి తలపులన్నీ నా ముందు నిలువెత్తు నిలిచి
నీలా నన్ను తొంగి చూస్తుంటే
వివశానికి పల్లవి కూడి ప్రేమను పాడమని తొందర పెట్టింది
చిత్రంగా పూసిన పెదవుల కాంతి..
కెరటమై సాగిన ఆనందాన్ని
తీపి మరకల తమకంగా తీర్చిదిద్దింది
లీలగా మెదిలిన ఎదలో పులకరింత
తనువంత తడిమి..కాటుకలనే కవ్వించి
మరో సాయంత్రం నీ పిలుపుకై ఎదురుచూడమంది..!!
No comments:
Post a Comment