ఆ కన్నులనీడల్లోని నిశ్శబ్దాలనే వెక్కిరించినట్లు..
ఎందుకంత శూన్యమా చూపుల్లో
జ్ఞాపకాల వీధుల్లో సంచరించి అలసిపోయిన బాటసారిలా
నన్ను మరచిన క్షణాలను వెతికి విసుగుతావెందుకో
ఆకుల మధ్య హిమబిందువైన చినుకులా నిన్ను తడిమిన
హేమంతం నేనని గుర్తుపట్టనట్లు..
రాలుతున్న శిశిరపత్రాల్లో
ప్రేమలేఖలను అన్వేషిస్తూ మౌనాన్ని మోహిస్తావెందుకో
ఏకవచనంలోకి జారిన నీ చూపులో జతిస్వరాలు వినబడి..
స్పందించిన నా పద్మరాగపు పాదాలు స్వరజతులై నర్తించగా
కృష్ణబిలానికి చోటెక్కడిది..
మన సమ్యోగపు దీపపు వెలుగులో
నిట్టూర్చిన నిశీధి పూర్తిగా కరిగిపోగా..!!
No comments:
Post a Comment