వేకువ పొద్దులో నీలివెన్నెల నీడలో నీ నవ్వును మోహించినందుకే..
రాతిరి పలుకరించిన నిదురను సైతం తోసిరాజని..
నీ తలపుల తలంబ్రాలు పోసుకొని..పసిడి ఊహలతో..
పచ్చని మోముకి కెంజాయిలద్దుకొని నా ఎదురుచూపులు..
ఆలపిస్తున్నానో అసావరీరాగాన్ని..
సంపెంగల చలిని సైతం ఓర్చుకొని..
అలసిన కన్నుల ఎర్రనిచూపును దాచిపెట్టి..
నిశ్శబ్ద తారకలకు భంగం కాకుండా..
నీకు మాత్రమే వినబడేలా మదన మంత్రాన్ని..
నువ్వో ఆనందభైరవిగా నా వైపు అడుగులేస్తావని..!!
No comments:
Post a Comment