ఏదో అన్వేషణ..
ఏదో కలవరం
మరేదో తెలియని కలరవం
మనోహరమైన ఆనందం..
మనసును ఊయలూపేస్తూ
ఊహలకి గాలం వేసేస్తూ
నిన్నూ నన్నూ ఒక్కటిగా చూపిస్తుంటే..
మమెకమైపోయా..
నీ మౌనపు మంచుపల్లకిలో నేనూరేగుతున్నట్లు..
నీ వెచ్చనికౌగిలి వేలకావ్యాలకు సాటవుతుంటే
కరిగిపొమ్మన్న చినుకొకటి నీ చూపులో నన్నదేశిస్తుంటే
విశ్వమంతా నువ్వై నన్నల్లుకున్నాక..
నీకన్నా వేరే నిజమేముందనిపించడంలో అతిశయమేముంది
తొలిప్రేమనే నమ్మని నాకు వలపుసెగను ధూపమేసి..
మునుపెరుగని పరిమళపు ఆవిరులు తనువుని చిత్తడి చేస్తుంటే
రెప్పలు మూసుకొని మెలకువలోనే ఉంటున్నా..
వాస్తవం కాలేని ఒక మైమరపును మోసుకుంటూ..
చెంగావి కలనలా కన్నుల్లోనే కౌగిలిస్తూ..!!
No comments:
Post a Comment